பிளஸ் 2 பொது தேர்வு இன்று அட்டவணை வெளியீடு:

தமிழகத்தில், 10ம் வகுப்பு மற்றும் பிளஸ் 2 பொது தேர்வுக்கான அட்டவணை இன்று வெளியாகிறது.தமிழகத்தில், 10ம் வகுப்பு, பிளஸ் 1 மற்றும் பிளஸ் 2 மாணவர்களுக்கு பொது தேர்வு நடத்தப்படுவது வழக்கம். கடந்த ஆண்டு கொரோனா தொற்று பிரச்னையால், பொதுத் தேர்வு ரத்து செய்யப்பட்டு, அனைத்து வகுப்பு மாணவர்களுக்கும், 'ஆல் பாஸ்' வழங்கப்பட்டதுஇந்த ஆண்டு செப்டம்பர் முதல் பள்ளிகள் திறக்கப்பட்டு நேரடி வகுப்புகள் நடந்துள்ளன.

எனவே, குறைக்கப்பட்ட பாட திட்டத்தின் அடிப்படையில், 10ம் வகுப்பு, பிளஸ் 1 மற்றும் பிளஸ் 2 பொது தேர்வுகளை நடத்த, பள்ளிக்கல்வி துறை முடிவு செய்துள்ளது.இதற்கான கால அட்டவணை, இன்று காலை 10:00 மணிக்கு வெளியிடப்பட உள்ளது. வழக்கமாக மார்ச் மாதத்தில் பொது தேர்வுகள் நடத்தி முடிக்கப்படும். இந்த ஆண்டு, ஏப்ரல் மற்றும் மே மாதங்களில் தேர்வை நடத்த திட்டமிடப்பட்டுள்ளது.