காபி குடிப்பதை நிறுத்தினால் உங்கள் உடலில் என்னென்ன மாற்றங்கள் ஏற்படும்?

 

நீங்கள் காபி அல்லது டீ குடிக்காவிட்டாலும், நீங்கள் தொடர்ந்து காஃபின்(caffeine ) என்ற மூளைதயைத் தூண்டும் வேதிப் பொருளை வேறு ஏதோ ஒரு வகையில் சாப்பிடத்தான் போகிறீர்கள்.

சொல்லப்போனால், சோடா முதல் மருந்து, சாக்லேட் வரை நாம் உட்கொள்ளும் பெரும்பாலான பொருட்களில் அதிக அளவு காஃபின் உள்ளது.

காஃபின் உட்கொள்ளும் போது, ​​உங்கள் உடல் அதை விரைவாக உறிஞ்சிவிடும். இது இரண்டு மணி நேரத்திற்குள் உங்கள் உடலில் தாக்கத்தை ஏற்படுத்துகிறது.

காஃபின் உடலை விட்டு வெளியேற குறைந்தது ஒன்பது மணிநேரம் ஆகும். இது தண்ணீரிலும் கொழுப்பிலும் எளிதில் கரையக்கூடியது. இது உடலில் உள்ள அனைத்து திசுக்களிலும் ஊடுருவக்கூடியது.

உடலில் காஃபின் விளைவு என்ன? உடலின் வெவ்வேறு பாகங்களை ஏன் பாதிக்கலாம் என்பதைப் புரிந்துகொள்ள இந்தக் கட்டுரையில் காண்போம்.

பெரியவர்கள் ஒரு நாளைக்கு 400 மில்லிகிராமுக்கு மேல் காஃபின் உட்கொள்ளக்கூடாது என்று பல பரிந்துரைகள் உள்ளன.

அதிகப்படியான காஃபின் உட்கொள்வது தசை நடுக்கம், தலைவலி, குமட்டல், வாந்தி மற்றும் வேகமான இதயத் துடிப்பை ஏற்படுத்தும். சில சமயங்களில் மரணமும் ஏற்படலாம்.

ஒரு நாளைக்கு சில கப் டீ அல்லது காபி குடிப்பவர்களுக்கு கூட எரிச்சல், தூக்கமின்மை, பதற்றம் போன்ற பக்க விளைவுகள் ஏற்படும். அதனால்தான் சமீபகாலமாக காஃபினை கைவிடுபவர்களின் எண்ணிக்கை அதிகரித்து வருகிறது.

காஃபின் மூளையை பாதிக்குமா?

காபியைத் தவிர்ப்பது தலைவலி மற்றும் சோர்வை ஏற்படுத்தும். ஏனென்றால், அந்த பொருளுடன் உடல் பழகியிருக்கும்.

காஃபின் மூளையில் உள்ள அடினோசின்(adenosine ) என்ற ஏற்பியுடன்(receptor ) பிணைகிறது. காஃபினுக்கும் மூளைக்கும் இடையிலான இந்த தொடர்பு சிறிது நேரம் கழித்து நம்மை சோர்வடையச் செய்கிறது.

ஆனால், காலப்போக்கில், காஃபின் குடிப்பதால் மூளையில் உள்ள செல்கள் அதிக அடினோசின் ஏற்பிகளை உருவாக்குகின்றன. அவை சாதாரண அடினோசின் ஏற்பிகளுடன் பிணைக்கப்படுகின்றன. நீங்கள் காஃபின் உட்கொள்வதை நிறுத்தும்போது, ​​​​அடினோசின் ஏற்பிகள் அதிகமாக சோர்வடைகின்றன. அதனால் முன்பை விட சோர்வாக உணர்கிறீர்கள்.

தலைவலியும் அப்படித்தான். இந்த பொருள் தலை மற்றும் கழுத்தில் உள்ள இரத்த நாளங்களை சுருங்கச் செய்கிறது. இது மூளைக்கு இரத்த விநியோகத்தை குறைக்கிறது.

ஆனால், நீங்கள் காஃபின் குடிப்பதை நிறுத்திய 24 மணி நேரத்திற்குப் பிறகு, உங்கள் ரத்த அணுக்கள் இயல்பு நிலைக்குத் திரும்பும். மூளைக்கு ரத்த விநியோகத்தை அதிகரிக்கும். இதனால் தலைவலி ஏற்படுகிறது.

இப்படி காஃபின் குடிப்பதை நிறுத்தினால், அதன் பிறகு ஏற்படும் அசௌகரியம் ஒன்பது நாட்களுக்கு நீடிக்கும்.

காஃபின் மாலையில் எடுத்துக் கொண்டால் இரவு தூக்கத்தை பாதிக்குமா?

காஃபின் அடினோசின் ஏற்பிகளுடன் பிணைப்பதால், பொதுவாக லேசான தலைவலியை ஏற்படுத்துகிறது.

பிற்பகல் மற்றும் மாலை நேரங்களில் காஃபின் உட்கொள்வது தூக்கத்தை பாதிக்கும். இது நம்மை சோர்வடையச் செய்யும் மெலடோனின்(melatonin) என்ற ஹார்மோனின்(hormone ) வெளியீட்டை 40 நிமிடங்கள் தாமதப்படுத்துகிறது.

அதனால்தான் தூக்கம் கெடுகிறது. காஃபின் ஒட்டுமொத்த தூக்க நேரத்தையும் ஆழ்ந்த தூக்கத்தின் காலத்தையும் குறைக்கிறது.

இதுவும் அடுத்த நாள் நம்மை சோர்வடையச் செய்கிறது. சிறிது நேரம் கழித்து விழித்திருக்க காஃபின் எடுத்துக் கொள்ளலாம். ஆனால், அது பிற்காலத்தில் உங்கள் தூக்கத்தைக் கெடுக்கும்.

நீங்கள் காஃபின் உட்கொள்வதை நிறுத்தினால், உங்கள் தூக்கம் மேம்படும். அதன் பலன் அடுத்த 12 மணி நேரத்திற்குள் தெரியும் என்பதற்கு சில சான்றுகள் உள்ளன.

மன அழுத்தம் மற்றும் பதற்றம் அதிகரிப்பதற்கும் காஃபின் ஒரு காரணமாக உள்ளது.

காஃபினைக் குறைப்பது அல்லது அதை முழுவதுமாக குறைப்பது உங்கள் மனநிலையை மேம்படுத்தும். தூக்கமின்மை உங்களுக்கு எரிச்சலையும் சோர்வையும் ஏற்படுத்துகிறது.

மற்ற நரம்பியக்கடத்திகளில் மாற்றங்களை ஏற்படுத்தும் அடினோசின் ஏற்பிகளுடன் காஃபின் பிணைக்கிறது. இந்த மாற்றங்களால் மன அழுத்தம், மகிழ்ச்சி, பயம் போன்ற உணர்வுகள் நமக்குள் உருவாகின்றன.

காஃபினைக் குறைப்பது இதயத்தை பாதிக்குமா?

காஃபின் உட்கொள்ளலைக் குறைப்பது அல்லது நீக்குவது நெஞ்செரிச்சல் மற்றும் அஜீரணத்தைக் குறைக்கும்.

காஃபின் நமது வயிற்றில் அமிலத் திரவங்களை உண்டாக்குகிறது. இது செரிமான அமைப்பில் சிக்கல்களை ஏற்படுத்துகிறது.

காஃபினை நிறுத்துவது ரத்த அழுத்தம் மற்றும் இதயத் துடிப்பைக் குறைக்கும். ஆனால், இதுகுறித்து தெளிவாக அறிய இன்னும் பல ஆய்வுகள் தேவை.

யாராவது பல ஆண்டுகளாக காஃபின் உட்கொண்டால், அவர்களின் உடல் அதற்குப் பழகிவிடும். பின், அது நரம்பு மண்டலம், செரிமான அமைப்பு மற்றும் இதயத்தில் பக்க விளைவுகளை ஏற்படுத்தும் ஒரு காரணியாக மாறுகிறது.

காபியைக் கைவிட்டால் பற்கள் வெண்மையாகுமா?

காஃபின் உட்கொள்வதை நிறுத்தினால், உங்கள் பற்கள் வெண்மையாக மாறும். இது நேரடியாக காஃபினால் ஏற்படுவதில்லை.

தேநீர் மற்றும் காஃபினில் உள்ள டானின்கள்(tannins) போன்ற பொருட்களால் இது நிகழ்கிறது. இந்த பொருட்கள் பற்களில் இருக்கும்.

சர்க்கரை ஒரு ஆற்றல் பானம். இது உங்கள் பற்களை சேதப்படுத்தும். நமது பற்களை சேதத்திலிருந்து பாதுகாக்கும் உமிழ்நீரின் உற்பத்தியை காஃபின் கலந்த பானங்கள் குறைப்பதாக பல ஆய்வுகள் தெரிவிக்கின்றன. காஃபினைக் குறைப்பது இனிப்புகள் மற்றும் பானங்களின் சுவையை அனுபவிக்கும் திறனை அதிகரிக்கிறது.

அடிக்கடி சிறுநீர் கழிப்பதற்கான காரணம் என்ன?

காஃபின் குடிப்பதால் செரிமான மண்டலத்தில் உள்ள தசைகள், குறிப்பாக பெரிய குடல் பாதிக்கப்படுகிறது. இதனால் அடிக்கடி சிறுநீர் கழிக்க தூண்டுகிறது.

மல நிலைத்தன்மையிலும் மாற்றங்கள் உள்ளன. குறிப்பாக காஃபின் அதிகம் குடித்தால், அது உடலின் தண்ணீரை உறிஞ்சும் திறனை பாதிக்கிறது.

காஃபின் சிறுநீர் கழிப்பதை எளிதாக்குகிறது. இதன் காரணமாக, உடல் அதிக சிறுநீரை உற்பத்தி செய்கிறது.

இது சிறுநீரகத்தில் உள்ள அடினோசின் ஏற்பிகளுடன் பிணைக்கப்படுவதால், அது நம் உடலில் சோடியத்தின் விளைவை மாற்றுகிறது. உடலில் நீர் தேக்கத்தை பாதிக்கிறது.

காஃபின் சிறுநீர்ப்பையையும் எரிச்சலூட்டுகிறது. இதனால் அடிக்கடி சிறுநீர் கழிக்க தூண்டுகிறது. காஃபினைக் குறைப்பதன் மூலம் நீங்கள் அடிக்கடி சிறுநீர் கழிக்க கழிவறை செல்வதைக் குறைக்கலாம்.

உணவில் காஃபினை குறைப்பது நல்லதா?