தமிழகத்தில் இன்று மழை வெளுத்து வாங்கும். எந்தெந்த மாவட்டங்களில் தெரியுமா.? காலையிலேயே வந்தது அலர்ட்.!!!

 

தமிழ்நாட்டில் வடகிழக்கு பருவமழை தொடங்கியுள்ள நிலையில் பல்வேறு மாவட்டங்களில் மழை பெய்து வருகிறது. அந்த வகையில் இன்றும் தமிழகம், புதுச்சேரி மற்றும் காரைக்கால் உள்ளிட்ட பகுதிகளில் பல்வேறு இடங்களில் மழைக்கு வாய்ப்புள்ளது.

நேற்று நெல்லை மாவட்டத்தில் பல்வேறு இடங்களில் மழை பெய்து வந்த நிலையில் அதிகபட்சமாக நாலு முக்கு பகுதியில் 12 சென்டிமீட்டர் மழை பதிவாகியுள்ளது. நேற்று நெல்லை உட்பட தமிழ்நாட்டின் பல்வேறு பகுதிகளில் மழை பெய்து வந்த நிலையில் இன்றும் தமிழகத்தில் சில மாவட்டங்களில் கனமழைக்கு வாய்ப்புள்ளதாக தெரிவிக்கப்பட்டுள்ளது.

அதன்படி திருவாரூர், நாகப்பட்டினம் மற்றும் மயிலாடுதுறை ஆகிய 3 மாவட்டங்களில் இன்று கனமழைக்கு வாய்ப்புள்ளது. சென்னை மற்றும் அதன் புறநகர் பகுதிகளில் வானம் மேகமூட்டத்துடன் காணப்படுவதோடு ஒரு சில பகுதிகளில் மழைக்கு வாய்ப்புள்ளது. மேலும் இங்கு இடி மின்னலுடன் கூடிய லேசானது முதல் மிதமான மழைக்கு வாய்ப்புள்ளதாக தெரிவிக்கப்பட்டுள்ளது.