இந்தநாள் உங்களுக்கு எப்படி? - 12 ராசிகளுக்கும் உரிய பலன்கள்:

மேஷம்: புதிய நபர்களின் அறிமுகமும், அதனால் ஆதாயமும் கிடைக்கும். உறவினர்கள் சிலர் உங்கள் உதவியை நாடி வருவார்கள்.

பழைய நண்பர்களால் வீண் தொல்லைகள் அதிகமாகும்.

ரிஷபம்: எக்காரியத்திலும் வெற்றி கிடைக்கும். வரவேண்டிய பணம் கைக்கு வரும். பங்குச் சந்தை வகையில் அனுகூலம் உண்டு. வாகனச் சேர்க்கை ஏற்படும். வீடு வாங்க கடனுதவி கிடைக்கும்.

மிதுனம்: எதிர்பாராத வகையில் பணவரவு, பொருள் வரவு உண்டு. மனைவி வழி உறவினர்கள் மத்தியில் மரியாதை, அந்தஸ்து உயரும். வீடு வாங்குவது, விற்பது நினைத்தபடி முடியும்.

கடகம்: உங்கள் சமயோசித புத்தியால், எடுத்த காரியத்தை சிறப்பாக முடிப்பீர்கள். மனதுக்கு பிடித்தவர்களை சந்தித்து மகிழ்வீர்கள். ஆன்மிகம், தியானம், யோகாவில் ஈடுபாடு உண்டாகும்.

சிம்மம்: பிள்ளைகளை அன்பால் அரவணைத்துச் செல்வீர்கள். வாகனம் அடிக்கடி செலவு வைக்கும். தொண்டை புகைச்சல், காய்ச்சல் வந்து நீங்கும். மனைவியுடன் மனஸ்தாபம் வந்து நீங்கும்.

கன்னி: மனைவி வழி உறவினர்கள் தக்க சமயத்தில் உதவுவார்கள். நட்பு வட்டம் விரிவடையும். தந்தை வழி சொத்துகள் கைக்கு வரும். விலை உயர்ந்த ஆடை, ஆபரணம் வாங்குவீர்கள்.

துலாம்: போட்டி, சவால்களில் வெற்றி பெறுவீர்கள். குடும்பத்தில் இருந்த கூச்சல், குழப்பங்கள் நீங்கி அமைதி திரும்பும். பிள்ளைகள் பொறுப்பை உணர்ந்து நடப்பார்கள். எதிலும் பொறுமை தேவை.

விருச்சிகம்: சுறுசுறுப்புடன் செயல்பட்டு, தேங்கிக் கிடந்த வேலைகளை முடிப்பீர்கள். சமூகத்தில் பெரிய அந்தஸ்தில் இருப்பவர்களின் தொடர்பு கிடைக்கும். உற்சாகம், தோற்றப் பொலிவு கூடும்.

தனுசு: பழைய சிக்கல்களுக்கு சுமுக தீர்வு காண்பீர்கள். வீட்டில் கழிவுநீர், குடிநீர் பிரச்சினைகள் தீரும். நட்பு வட்டம் விரிவடையும். வெளி வட்டாரத்தில் புதியவர்களின் அறிமுகம் கிடைக்கும்.

மகரம்: குடும்பத்தினருடன் கலந்துபேசி முக்கிய முடிவுகள் எடுப்பீர்கள். விலகிச் சென்ற சகோதர உறவுகள் விரும்பி வந்து பேசுவார்கள். நாடி வந்தவர்களுக்கு இயன்ற உதவியை செய்வீர்கள்.

கும்பம்: உங்கள் பேச்சில் உற்சாகமும், செயலில் வேகமும் கூடும். உறவினர்கள் வருகையால் வீட்டில் மகிழ்ச்சி அதிகரிக்கும். பல வகையிலும் பணம் வரும். அதற்கேற்ப, செலவுகளும் சற்று கூடும்.

மீனம்: வீண் செலவுகளை கட்டுப்படுத்தி சேமிப்பீர்கள். உறவினர்கள், நண்பர்களுடன் மனஸ்தாபம் ஏற்படக்கூடும் என்பதால் பேச்சில் நிதானம் தேவை. அலைச்சலுடன் ஆதாயமும் உண்டு.