எச்சரிக்கை! உங்க கை மற்றும் கால்களில் இந்த அறிகுறிகள் இருக்கா? அப்ப உங்க இதயம் ஆபத்தில் இருக்காம்!

 சில நேரங்களில் உங்கள் தோல் உங்கள் இதயம் பலவீனமாக இருப்பதைக் காட்டுகிறது.

அதனால், உங்கள் தோலில் ஏற்படும் அறிகுறிகளை பற்றி நீங்கள் கவனமாக இருக்க வேண்டும். இதயம் மற்றும் தோல் ஆரோக்கியத்திற்கு இடையே உள்ள தொடர்பை நீங்கள் கட்டாயம் தெரிந்துகொள்ள வேண்டும்.

ஆரோக்கியமற்ற குடல் முகப்பரு மற்றும் வறட்சி போன்ற தோல் பிரச்சனைகளை ஏற்படுத்தும். தெளிவாக, உங்கள் குடல் ஆரோக்கியத்திற்கு கவனிப்பு தேவையா என்பதை உங்கள் தோல் உங்களுக்கு சொல்ல முடியும் என்பது உங்களுக்குத் தெரியுமா? ஆம், இது சாத்தியமான இதய பிரச்சனைகள் பற்றியும் உங்களை எச்சரிக்கிறது. சில நேரங்களில், தோல் அல்லது உதடுகளில் நீல நிறமாற்றம் ஏற்படலாம்.

உங்கள் தோலில் மஞ்சள் நிற பருக்களைக் கூட நீங்கள் காணலாம். ஏதோ ஒரு வழியில், உங்கள் தோல் உங்கள் இதயம் பலவீனமாக உள்ளது மற்றும் கவனம் தேவை என்பதை காட்ட முயற்சிக்கும். உங்கள் தோலில் தோன்றக்கூடிய இதய பிரச்சனைகளின் மற்ற எச்சரிக்கை அறிகுறிகள் என்ன என்பதை பற்றி இக்கட்டுரையில் தெரிந்துகொள்ளுங்கள் .

சயனோசிஸ்

உங்கள் தோல், உதடுகள் மற்றும் நகப் பகுதிகளில் நீல நிறமாகத் தெரிந்தால், அது உங்கள் இதயம் ஆபத்தில் இருக்கிறது என்பதற்கான எச்சரிக்கை அறிகுறியாக இருக்கலாம். இரத்தத்தில் ஆக்ஸிஜன் அளவு குறையும் போது இது நிகழ்கிறது, இது இதய செயலிழப்பு அல்லது பிறவி இதய குறைபாட்டின் அறிகுறியாக இவை இருக்கலாம்.

கிளப்பிங்

கிளப்பிங் என்பது உங்கள் விரல் நுனிகள் பெரிதாக இருப்பது மற்றும் நகங்கள் வட்டமாக பெரிதாக இருப்பதை குறிக்கிறது. இது பெரும்பாலும் இரத்தத்தில் நீண்ட காலம் குறைந்த ஆக்ஸிஜன் இருப்பதனால் நிகழலாம். இது பிறவி இதய நோய் அல்லது நாள்பட்ட நுரையீரல் நோய்கள் போன்ற நிலைகளிலும் காணப்படலாம். எனவே, உங்களுக்கு இந்த அறிகுறிகள் இருந்தால், உடனே மருத்துவ பரிசோதனை செய்துகொள்வது நல்லது.

சாந்தோமாஸ்

சாந்தோமாக்கள் கொழுப்பு படிவுகள் ஆகும். அவை தோலில் மஞ்சள் நிற பருக்கள் போல் தோன்றும். இதய நோய்க்கான ஆபத்து காரணியான அதிக கொலஸ்ட்ரால் அளவு உள்ளவர்களிடையே இந்த அறிகுறிகள் காணப்படுகின்றன. இந்த மாற்றங்கள் மோசமான இதய ஆரோக்கியத்தை குறிக்கிறது.

சருமத்தில் இரத்த உறைவு

உங்கள் சருமத்தில் மிகவும் சிறிய சிவப்பு அல்லது ஊதா நிற புள்ளிகள் தோன்றினால், அது இதயத்தில் பிரச்சனை உள்ளதை குறிக்கிறது. இவை, தோலின் கீழ் இரத்த உறைவு ஏற்படும் போது தோன்றும். சருமத்தில் இரத்த உறைதல் ஏற்படுவது இதய வால்வுகளில் ஏற்படும் கடுமையான தொற்றுநோயான தொற்று எண்டோகார்டிடிஸின் அறிகுறியாக இருக்கலாம்.

ஓஸ்லரின் கணுக்கள் மற்றும் ஜேன்வே புண்கள்

ஓஸ்லரின் கணுக்கள் என்பது உங்கள் கை விரல் மற்றும் கால்விரல்களின் நுனியில் ஏற்படுபவை. ஜேன்வே புண்கள் உள்ளங்கை மற்றும் உள்ளங்கால்களில் ஏற்படும். இவை இரண்டும் மிகுந்த வலியை உங்களுக்கு ஏற்படுத்தலாம். ஜேன்வே புண்கள் உள்ளங்கைகள் மற்றும் உள்ளங்காலில் சிவப்பு அல்லது ஊதா நிற புள்ளிகள் போல தோற்றமளிக்கும். தொற்று எண்டோகார்டிடிஸில் இரண்டையும் காணலாம்.

ஸ்பைடர் வெயின்

ஸ்பைடர் வெயின் என்பது உங்கள் இரத்த நாளங்கள் விரிந்து சிறியதாக, தோலின் மேற்பரப்பிற்கு அருகில் தோன்றும். அவை சிலந்தி வலையை ஒத்த வடிவத்தில் இருப்பதால், சிலந்தி நரம்புகள் என்று அழைக்கப்படுகின்றன. இந்த அறிகுறி, சில வகையான இதய வால்வு குறைபாடுகள் அல்லது கல்லீரல் நோய்களுடன் தொடர்புடையது. இது மறைமுகமாக இதய செயல்பாட்டையும் பாதிக்கலாம்.

தோலில் இதய நோயின் எச்சரிக்கை அறிகுறிகளைக் கண்டறிந்த பிறகு என்ன செய்வது?

சாத்தியமான இதய பிரச்சனைகளுடன் தொடர்புடைய தோல் அறிகுறிகளை நீங்கள் கண்டால், உடனே மருத்துவரை அணுகுவது அவசியம். முன்பே இருக்கும் இதய நிலைகள், இதய நோயின் குடும்ப வரலாறு மற்றும் உங்கள் உடல்நலம் பற்றிய பிற தொடர்புடைய தகவல்கள் உட்பட விரிவாக உங்கள் மருத்துவரிடம் பேசுங்கள்.

நோயறிதல் சோதனைகளை மேற்கொள்ளுங்கள்

உங்கள் மருத்துவர் உங்கள் இதய செயல்பாட்டை மேலும் மதிப்பீடு செய்வதற்கும், அடிப்படை நிலைமைகளை அடையாளம் காண்பதற்கும் பல்வேறு சோதனைகள் செய்ய பரிந்துரைக்கலாம். இந்த சோதனைகளில் இரத்த பரிசோதனைகள், எலக்ட்ரோ கார்டியோகிராம் (ஈசிஜி), எக்கோ கார்டியோகிராம், மன அழுத்த சோதனைகள் அல்லது பிற இமேஜிங் ஆய்வுகள் ஆகியவை அடங்கும். குறிப்பிட்ட சூழ்நிலையைப் பொறுத்து, மருத்துவர் உங்களுக்கு பரிந்துரைப்பார்.

மருத்துவ ஆலோசனையைப் பின்பற்றவும்

மதிப்பீடு மற்றும் சோதனை முடிவுகளின் அடிப்படையில், உங்கள் மருத்துவர் பொருத்தமான சிகிச்சை விருப்பங்களை பரிந்துரைப்பார். அவர்களின் ஆலோசனையைப் பின்பற்றுவது முக்கியம். இதில் வாழ்க்கைமுறை மாற்றங்கள், மருந்துகள் அல்லது மேலதிக மேலாண்மைக்காக நிபுணர்களிடம் பரிந்துரைகள் இருக்கலாம்.

ஆரோக்கியமான வாழ்க்கை முறையை பராமரிக்கவும்

குறிப்பிட்ட நோயறிதலைப் பொருட்படுத்தாமல், இதய ஆரோக்கியமான வாழ்க்கை முறையை பின்பற்றுவது அவசியம். எனவே, உடற்பயிற்சி, சீரான உணவு, ஆரோக்கியமான எடையை பராமரித்தல், மன அழுத்தத்தை நிர்வகித்தல் போன்றவற்றை கடைபிடிக்க வேண்டும். மேலும், புகைபிடித்தல் அல்லது அதிகப்படியான மது அருந்துதல் ஆகியவற்றைத் தவிர்க்க வேண்டும்.

தோல் பிரச்சினைகள் எப்போதும் இதயத்துடன் தொடர்புடையவை அல்ல, மேலும் பிற அடிப்படை நிலைமைகள் காரணமாகவும் உங்கள் தோலில் பிரச்சனைகள் ஏற்படலாம், எனவே நீங்கள் முதலில் செய்ய வேண்டியது மருத்துவரை அணுகுவதுதான்.