பள்ளி மற்றும் கல்லூரி மாணவர்களுக்கு குட் நியூஸ்.. இதில் வென்றால் ரூ.5000 பரிசு..!

 

தமிழ் வளர்ச்சித்துறை சார்பில் பள்ளி மற்றும் கல்லூரி மாணவர்களுக்கான பல்வேறு போட்டிகள் நடத்தப்பட இருக்கிறது. இதில் வெற்றிபெறும் மாணவர்களுக்கு பரிசுத்தொகை மற்றும் வெற்றி பெற்றதற்கான சான்றிதழ்களும் வழங்கப்படும்.

திருச்சி மாவட்டத்தில், பள்ளி மற்றும் கல்லூரி மாணவர்களுக்கு தமிழ் வளர்ச்சித்துறை சார்பில் பல்வேறு போட்டிகள் நடத்தப்பட இருக்கிறது. இந்தப் போட்டிகள் கடந்த 2 வருடங்களாக கொரோனா காரணமாக நடத்தப்படாமல் இருந்தது.

தற்போது தொற்று குறைந்துள்ளதால் தமிழ் வளர்ச்சித் துறையின் சார்பில் மீண்டும் போட்டிகள் நடத்தப்பட உள்ளது. இதில், மகாத்மா காந்தி, ஜவஹர்லால் நேரு, அம்பேத்கர், பெரியார், அண்ணா, கருணாநிதி போன்ற தலைவர்களின் சிறப்புகளை மாணவர்கள் புரிந்து கொள்ளும் விதமாக பேச்சுப் போட்டிகள் நடத்தப்பட இருக்கிறது.

இந்த போட்டியில் வெற்றிபெறும் மாணவர்களுக்கு முதல் பரிசாக 5000 ரூபாய், இரண்டாம் பரிசாக 3000 ரூபாய், மூன்றாம் பரிசாக 2000 ரூபாய் வழங்கப்பட உள்ளது. அத்துடன், வெற்றி பெற்றதற்கான சான்றிதழ்களும் வழங்கப்படும்.

இந்த போட்டி குறித்த விவரங்கள் பள்ளி மற்றும் கல்லூரிகளுக்கு கல்வி இணை இயக்குனர் மூலம் சுற்றறிக்கை அனுப்பி தெரிவிக்கப்படும்.