மாணவர்களே, இந்த படிப்பில் சேரணுமா..?: அப்போ, உடனே அப்ளை பண்ணுங்க..!

 

சுயநிதி மருத்துவக்கல்லூரிகளில் நிர்வாக ஒதுக்கீட்டில் உள்ள சித்தா, ஆயுர்வேதம் உள்ளிட்ட படிப்புகளில் சேர விரும்பும் மாணவர்கள் வரும் 8-ம் தேதிக்குள் விண்ணப்பிக்க வேண்டும்.

சுயநிதி மருத்துவக்கல்லூரிகளில் நிர்வாக ஒதுக்கீட்டில் உள்ள சித்தா, ஆயுர்வேதம் உள்ளிட்ட இளநிலை மருத்துவப் பட்டப் படிப்புக்கு வரும் 18-ம் தேதி நேரடி கவுன்சிலிங் நடக்க உள்ளது.

‘நீட்’ தேர்வில் தேர்ச்சி பெற்ற மாணவர்கள் 1,000 ரூபாய் கட்டணம் செலுத்தி, வரும் 8-ம் தேதிக்குள் விண்ணப்பிக்க வேண்டும். இதற்கு முந்தைய கவுன்சிலிங்கில் தாமதமாக விண்ணப்பித்தோர் மற்றும் விண்ணப்பிக்கத் தவறியோர் இந்த முறை விண்ணப்பிக்கலாம்.

இதுகுறித்த மேலும் விவரங்களை https://www.tnhealth.tn.gov.in என்ற இணையதளத்தில் தெரிந்து கொள்ளலாம். மேலும், மத்திய அரசின் ஆயுஷ் அமைச்சகம் மாணவர் சேர்க்கைக்கான நீட் மதிப்பெண்களை குறைத்துள்ளது.

இதன்படி, ஓ.சி. பிரிவினருக்கு 137 முதல் 122 வரையிலும், ஓ.பி.சி. - எஸ்.சி. - எஸ்.டி. பிரிவினருக்கு 121 முதல் 96 வரையிலும் கட் ஆப் மதிப்பெண் குறைக்கப்பட்டுள்ளது.