தினம் ரூ.29 போதுமே, ரூ.4 லட்சம் அள்ளலாம்.. பெண்களுக்கான சூப்பர் சேமிப்பு பாலிசி

 

இந்தியாவில் மிகப்பெரிய காப்பீட்டு நிறுவனமான எல்ஐசி செயல்பட்டு வருகிறது. பொது மக்களுக்கு ஏராளமான நம்பிக்கையான பாலிசிகள் இந்நிறுவனத்தில் உள்ளது. இன்றைய காலக்கட்டத்தில் பலரும் சேமிப்பதில் ஆர்வம் காட்டி வரும் நிலையில் எல்ஐசி, போஸ்ட் ஆபீஸ், வங்கிகள் ஆகியவற்றில் டெபாசிட் செய்து வருகின்றனர். அதிலும், எல்ஐசி பாலிசி திட்டங்களிலில் முதலீடு செய்வதில் பலரும் மும்முரம் காட்டுகின்றனர். இந்நிலையில் எல்ஐசி செயல்படுத்தி வரும் சூப்பரான பாலிசி பற்றி தற்போது விரிவாக பார்க்கலாம்.

இந்த திட்டம் எல்ஐசி ஆதார் ஷீலா திட்டம் என்று அழைக்கப்படுகிறது. 8 முதல் 55 வயதுக்குட்பட்ட பெண்கள் இந்தத் திட்டத்தில் முதலீடு செய்யலாம். இந்த திட்டம் அதன் வாடிக்கையாளர்களுக்கு பாதுகாப்பு மற்றும் சேமிப்பு இரண்டையும் வழங்குகிறது. ஆனால் செல்லுபடியாகும் ஆதார் அட்டை வைத்திருக்கும் பெண்கள் மட்டுமே இதைப் பயன்படுத்திக் கொள்ள முடியும். பாலிசிதாரர் முதிர்ச்சியடைந்தவுடன் பணத்தை பெறுவார்.. மேலும் இந்த திட்டம், பாலிசிதாரர் இறந்த பிறகு அவரது குடும்பத்திற்கும் நிதி உதவி வழங்குகிறது.

எல்ஐசி ஆதார் ஷிலா திட்டத்தின் கீழ் குறைந்தபட்சம் ரூ.75,000, அதிகபட்சம் ரூ.3 லட்சம் முதலீடு செய்யலாம். இந்த பாலிசியின் முதிர்வு காலம் குறைந்தபட்சம் 10 ஆண்டுகள் மற்றும் அதிகபட்சம் 20 ஆண்டுகள் ஆகும். அதே நேரத்தில், இந்தத் திட்டத்தின் பிரீமியம் பணம் மாதாந்திர, காலாண்டு, அரையாண்டு அல்லது வருடாந்திர அடிப்படையில் செய்யப்படுகிறது.

நீங்கள் 30 வயது முதல், 20 வருடங்களுக்கு தினமும் ரூ.29 டெபாசிட் செய்தால், முதல் ஆண்டில், நீங்கள் மொத்தம் ரூ.10,959 வைப்பு வைத்திருப்பீர்கள் என்று வைத்துக்கொள்வோம். இப்போது அதற்கு 4.5 சதவீத வரியும் இருக்கும். அடுத்த ஆண்டு நீங்கள் ரூ .10,723 செலுத்த வேண்டும். நீங்கள் ஒவ்வொரு மாதமும், காலாண்டு, அரையாண்டு அல்லது வருடாந்திர அடிப்படையில் இந்த பிரீமியங்களை டெபாசிட் செய்யலாம். நீங்கள் 20 ஆண்டுகளில் ரூ .2,14,696 டெபாசிட் செய்ய வேண்டும் மற்றும் முதிர்வு நேரத்தில் நீங்கள் மொத்தம் ரூ .3,97,000 பெறுவீர்கள்.