ரூ.1,00,000 வரை சம்பளம்.. தமிழ்நாடு மருத்துவத் துறையில் காத்திருக்கும் வேலை..! யார் விண்ணப்பிக்கலாம் ?

 

தமிழக அரசின் கீழ் இயங்கி வரும் மருத்துவ சேவைகள் ஆட்சேர்ப்பு வாரியம் மருத்துவம் சார்ந்த பல்வேறு பணியிடங்களை அவ்வப்போது நிரப்பி வருகிறது.

அந்த வகையில் தற்போது மருத்துவம் சார்ந்த காலி பணியிடங்களை நிரப்புவதற்கான அறிவிப்பு வெளியிடப்பட்டுள்ளது.

தமிழ்நாடு மருத்துவ துறை சேவையில் காலியாக உள்ள பிசியோதெரபிஸ்ட் பணியிடங்களை மருத்துவ சேவைகள் ஆட்சேர்ப்பு வாரியம் மூலம் நிரப்புவது வழக்கம். அந்த வகையில் தற்காலிக அடிப்படையில் இந்த பணியிடங்கள் நிரப்புவதற்கான அறிவிப்பு வந்துள்ளது. எத்தனை பணியிடங்கள், எவ்வளவு சம்பளம் உள்ளிட்ட அனைத்து தகவல்களையும் தெரிந்து கொள்ள தொடர்ந்து படியுங்கள்.

பிசியோதெரபிஸ்ட் கிரேட் 2

காலியிட எண்ணிக்கை: 47
சம்பளம்: ரூ.36,200 முதல் ரூ.1,14,800 வரை சம்பளம் வழங்கப்பட இருக்கிறது

தகுதி

அங்கீகரிக்கப்பட்ட பல்கலைக்கழகம் அல்லது கல்வி நிறுவனத்தில் இருந்து பிசியோதெரபி பிரிவில் டிகிரி முடித்தவர்கள் இந்த பணியிடத்திற்கு விண்ணப்பிக்கலாம்.

வயது வரம்பு

• பொது பிரிவை சார்ந்தவர்கள் 32 வயதிற்கு உட்பட்டவராக இருக்க வேண்டும்.
• பழங்குடியினர் பட்டியலின மக்கள் மிகவும் பிற்படுத்தப்பட்ட பிரிவினர்கள் பிற்படுத்தப்பட்ட பிரிவினர்கள் பிற்படுத்தப்பட்ட முஸ்லிம்கள் 59 வயது வரை விண்ணப்பிக்கலாம்.
• பொது பிரிவை சேர்ந்த மாற்றுத்திறனாளிகள் 42 வயது வரை விண்ணப்பிக்கலாம்.
• பொது பிரிவை சேர்ந்த முன்னாள் ராணுவத்தினர் 50 வயது வரை விண்ணப்பிக்கலாம்.

தேர்வு முறை

• தமிழ் தகுதி தேர்வு
• கணினி சார்ந்த தேர்வு அல்லது எழுத்து தேர்வு மூலம் தகுதியான நபர்கள் தேர்வு செய்யப்படுவர்

தேர்வு இடங்கள்

• சென்னை
• மதுரை
• திருநெல்வேலி
• திருச்சி
• கோவை ஆகிய இடங்களில் இதற்கான தேர்வுகள் நடத்தப்பட இருக்கின்றன.

தேர்வு கட்டணம்

• பொது பிரிவைச் சார்ந்தவர்களுக்கு 1000 ரூபாய் தேர்வு கட்டணமாக வசூலிக்கப்பட இருக்கிறது.
• பட்டியலின மக்கள் பழங்குடியின பிரிவினர்களுக்கு 500 ரூபாய் விண்ணப்ப கட்டணம் ஆகும்.

எப்படி விண்ணப்பிப்பது?

தகுதியும் ஆர்வமும் உள்ள நபர்கள் இதற்காக வெளியிடப்பட்டுள்ள அதிகாரப்பூர்வ அறிவிப்பை பொறுமையாகவும் தெளிவாகவும் படித்துவிட்ட பின்னர் https://www.mrb.tn.gov.in/ என்ற அதிகாரப்பூர்வ இணையதளத்தில் கொடுக்கப்பட்டுள்ள ஆன்லைன் விண்ணப்பத்தை பூர்த்தி செய்து சமர்ப்பிக்க வேண்டும் விண்ணப்பிப்பதற்கு முன்னதாக புகைப்படம், கையெழுத்து, கல்வி சான்றிதழ்களை ஸ்கேன் செய்து எடுத்து வைத்துக் கொள்ளவும்

முக்கிய தேதிகள்

விண்ணப்பிக்க தொடங்கும் நாள்: 18. 10. 2024
ஆன்லைனில் விண்ணப்பிக்க கடைசி தேதி: 7 .11. 2024