வாரத்தின் முதல் நாளே ஸ்வீட் கொடுத்த தங்கம்... மீண்டும் விலை சரிவு.

 

தங்கத்தின் விலை கடந்த வாரத்தில் வீழ்ச்சி அடைய தொடங்கியது. மீண்டும் இடையே ஒரு நாள் விலை உயர ஆரம்பித்தது. ஆனால் இந்த விலை இறக்கம் மீண்டும் இன்று தொடங்கியுள்ளது. ஒராண்டுக்கு மேலாக தொடர்ந்து அதிகரித்து வந்த நிலையில் திடீர் வீழ்ச்சியால் மக்கள் மகிழ்ச்சி அடைந்துள்ளனர். அக்டோபர் 27ம் தேதியான இன்று தங்கத்தின் விலை ரூ. 400 சரிந்துள்ளது.
22 காரட் தங்கத்தின் விலை நிலவரம்

ஆபரணம் செய்ய பயன்படுத்தப்படும் ஒரு கிராம் தங்கத்தின் விலை கிராமுக்கு ரூ.50 குறைந்து ரூ.11,450 ஆக உள்ளது. 1 பவுன் தங்கத்தின் விலை சவரனுக்கு ரூ.400 வீழ்ச்சி அடைந்து ரூ. 91,600 என்ற நிலையில் உள்ளது. ஆனால் கடந்த வாரம் ஒரு சவரன் தங்கத்தின் விலை ரூ.97,000த்துக்கு மேல் இருந்த நிலையில் தற்போது 92,000 ரூபாய்க்கு கீழ் உள்ளது.

24 காரட் தங்கத்தின் விலை நிலவரம்

முதலீட்டு நோக்கில் வாங்கப்படும் தங்கமான 24 காரட் ஒரு கிராம் தங்கத்தின் விலை கிராமுக்கு ரூ.50 சரிந்து ரூ.12,490க்கு விற்பனை செய்யப்படுகிறது. 8 கிராம் தங்கத்தின் விலை ரூ. 99,920 என்ற நிலையில் விற்பனை செய்யப்படுகிறது. 

தங்கத்தின் விலை குறைந்துள்ள நிலையில் வெள்ளியின் விலை மாற்றம் இல்லாமல் உள்ளது. ஒரு கிராம் வெள்ளியின் விலை ரூ.170 ஆகவும், ஒரு கிலோ வெள்ளியின் விலை ரூ. 1,70,000 என்ற நிலையில் விற்பனை செய்யப்படுகிறது.